Երևան 02.07.2017 Banak.info
Սովորում է Երևանի պետական հենակետային բժշկական քոլեջում: Ապագա ատամնատեխնիկ է:
«Զինվորից 5 պակաս» շարքի հերթական զրուցակիցը Տիգրան Կիրիշչյանն է:
Սովորում է Երևանի պետական հենակետային բժշկական քոլեջում: Ապագա ատամնատեխնիկ է:
Տիգրանը որոշ խնդիրներ ունեցել է, որոնց պատճառով կարող էր ազատվել ծառայությունից, բայց ինչպես ինքն է ասում՝ ընտրել է ծառայելը:
-Գնալը հաստատ ավելի ճիշտ ա:
Միակ խանգարող հանգամանքը ապագա զինվորի համար կարոտն է, ասում է, որ դժվար է ընտանիքից հեռու ապրելը, բայց վստահ է՝ կհարմարվի:
-Ես կհարմարվեմ, մնում ա ինձ հարմարվեն(ծիծաղում է):
Ուտել շատ է սիրում, բայց եթե մի բան դուր չգա, չի կարողանա ուտել, չնայած կարծում է սնունդի հարցն արդեն բանակում կարգավորված է ու խնդիր չի լինի: Հակառակ դեպքում այլընտրանք կլինի ընկերների ուղարկած սնունդը:
Ժամանակի ընթացքում նրա աչքին շատ բան է փոխվել մեր բանակում, մեծ առաջընթաց է տեսնում:
-Մենակ թեյարանն ա շատ թանկ նստելու(ծիծաղում է):
Հասակակիցներին այժմ խորհուրդ տալ չցանկացավ, բայց ասաց, որ լսում է ծառայող ավագ ընկերների խորհուրդները, հետո իր ժամանակն էլ կգա:
Ներկայումս մեր զրուցակիցը մի բանի համար է շատ ուրախ.
-Սպայակազմում էլ վաղուց չկա երևանցի կամ ղարաբաղցի, բոլորը ծառայում են մեջք մեջքի տված՝որպես ուղղակի հայ:
Ծառայության մեկնելուց առաջ որոշել է Մաշտոցի պուրակում միանգամից հանդիպել բոլոր ընկերներին, դրա համար էլ, ինչպես ինքն է ասում «հրաժեշտի երեկո» է կազմակերպել:
Բլից հարցում
1. Եթե ճաշարանի ուտելիքները սրտովդ չլինեն…
-Կուտեմ:
2.Եթե հնարավորությու չունենաս հարազատներիդ, ընկերներիդ հետ կապ պահելու…
-Կդիմանամ:
3.Եթե կողքիդ մահճակալին քնողը անդուր խռացնի ողջ գիշեր…
-Կբզեմ (ծիծաղում է):
4.Եթե ցանկությամբ լիներ ծառայել կամ չծառայելը…
-Կծառայեի:
5.Եթե վաշտիդ սերժանտների ծառայության մեջ թերություններ նկատես…
-Իրենց կասեմ:
6.Եթե փախուստի հնարավորություն ունենաս…
-Նայած ինչ դեպք է:
7.Եթե իմանաս, որ քաղաքացիական կյանքում քեզ համար ամենատհաճ անձնավորության հետ նույն վաշտում ես ծառայելու…
-Մի անգամ կծեծեմ (ժպտում է):
8.Երբ մի օր արթնանաս և ասեն, որ այսուհետ աղջիկներն էլ են ծառայելու…
-Կա՜յֆ:
9.Իսկ ընկերուհի՞դ:
-Այ էդտեղ ստոպ:
10.Երբ հասկանաս, որ մի քանի օրից զորացրվում ես…
-Ժամանակը կգա կհասկանամ, էդ ժամանակ էլ կասեմ:
Իննա Թումանյան
Ծանուցում.Կայքից մեջբերումներ անելիս հղումը banak.info-ին պարտադիր է։ Կայքի հոդվածների մասնակի կամ ամբողջական հեռուստառադիոընթերցումը առանց banak.info-ին հղման արգելվում է։
Տեղեկացրու՛ ընկերներիդ`
