Ինչպես արդեն տեղեկացրել ենք www.banak.info կայքը գտնվում է տեխնիկական վերազինման փուլում, որից հետո կայքում կստեղծվեն նոր բաժիններ, ֆունկցիոնալ նոր հնարավություններ:
Նոր համագործակցության արդյունքում Banak.info կայքում կստեղծվի «Սպայի գրադարան» բաժինը, որտեղ տեղ կգտնեն սպաների համար նախատեսված և հասարակության լայն զանգվածին հետաքրքրող թվայնացված գրականություն:
«Սպայի գրադարան» բաժինը ոչ միայն կօգնի սպաներին հեշտացնել իրենց անհրաժեշտ գրականությունը գտնելու հարցում, այլև ռազմական ոլորտով հետաքրքրվող անձանց հնարավորություն կտա ծանոթանալու և տիրապետելու որոշակի գիտելիքների, ինչը կարևոր է փաստացի չավարտված պատերազմական իրավիճակում գտնվող երկրի քաղաքացու համար: Ուրախ ենք համագործակցության համար, իսկ նման հարթակ ունենալը մեր կայքում պարտավորեցնող է»,- ասաց «Հանուն հայ զինվորի» ՀԿ-ի լրատվության և հասարակայնության հետ կապերի հանձնաժողովի նախագահ Լիանա Բրյանը:
Կայքում կատարվող բարեփոխումները հասանելի կլինեն օգոստոսի 26-ից, որոնք հնարավորություն կտան արդեն տեխնիկապես ավելի հզոր և ֆունկցիոնալ մի շարք առավելություններով հետևելու հետագա ծրագրերին:
«Ինտելեկտուալ սպայի կերպարի ձևավորման տեսանկյունից շատ ենք կարևորում նման նախաձեռնությունները, ինչպիսին է «Սպայի գրադարանը», որը մենք սկսել են մի քանի տարի առաջ, ուզում ենք հիմա այդ մշակույթը շարունակվի՝ սպաների համար հատուկ գրքեր տպագրվեն, գրքեր թարգմանվեն, որոնք հասանելի կլինեն տպագիր տարբերակով, էլեկտրոնային հարթակներով: Ուրախ ենք, որ Banak.info-ի հետ համագործակցում ենք այս ֆորմատով: Վերջինս կդառնա մեզ համար առաջին հարթակը, որը կզետեղի ինչպես հայերեն, այնպես էլ օտարալեզու թվայնացված գրքեր անվտանգության, պատերազմի, պատերազմների պատմության, ռազմարվեստի թեմայով»,- նշեց ՀՀ ՊՆ ռազմական կրթության վարչության պետ Արծրուն Հովհաննիսյանը:
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`
